Plantun de Prouvènço

Pèr coumpara dos planto d'encò nostre

Rapistrum rugosum subsp. rugosum & Fraxinus excelsior

Ravaniscle

Rapistrum rugosum subsp. rugosum

Brassicaceae

Autre noum : Rabuscle.

Nom en français : Rapistre rugueux.

Descripcioun :
Lou ravaniscle es uno planto coumuno que trachis dins li champ e lis ermas. Se recounèis à soun port ramifica e subretout bonodi sa siliculo boudenflo acabado emé un bè. Coumpara emé la rouqueto-bastardo que ié sèmblo proun, aleva li fru.

Usanço :
Li jòuini fueio soun manjadisso en ensalado. Lou ravaniscle a de prouprieta antióussidanto.

Port : Erbo
Taio : 20 à 80 (150) cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Rapistrum
Famiho : Brassicaceae

Coulour de la flour : Jauno
Petalo : 4
Ø (o loungour) flour : Pancaro entresigna
Flourido : Printèms - Estiéu Ivèr

Sòu : Ca
Autour basso e auto : Pancaro entresigna
Aparado : Noun

Liò : Champ - Escoumbre e proche dis oustau - Ribiero - Camin
Estànci : Termoumediterran à Mountagnard
Couroulougi : Pancaro entresigna
Ref. sc. : Rapistrum rugosum subsp. rugosum (L.) All., 1785

Frais

Fraxinus excelsior

Oleaceae

Àutri noum : Frau, Fraich, Fraiche, Fraisse, Frais-mascle.

Nom en français : Frêne commun.

Descripcioun :
Lou frais es un aubre de mountagno que trachis dins li relarg umide en terro prefoundo. Se recounèis à si bourroun negre e óupousa, à si fueio coumpausado de 5 à 11 fueioun denta e pounchu, e peréu à soun fru que ié dison "lengo d'aucèu".

Usanço :
Emé la ligno de frais se fai li manche d'óutis. Li fueio (e li fru) soun couneigudo pèr lucha contro lou mau-d'os e ajuda à pissa. Faire bouli uno pougnado, pièi après infusioun, béure emé de jus de limoun. Dins d'ùni endré, li jóuini fru soun manja après èstre esta bouli dous cop. En Franço s'adoubo uno bevendo, la freineto, emé li fueio cuberto de melado (producho pèr li nieroun).